ஐ.பி.எல். கிரிக்கெட் தொடரின் எலிமினேட்டர் போட்டியில் ராஜஸ்தான் ராயல்ஸ் அணியிடம் தோல்வி அடைந்து வெளியேறியது  ராயல் சேலஞ்சர்ஸ் பெங்களூரு அணி.

அகமதாபாத்தில் நேற்றிரவு 07.30 மணிக்கு நடந்த ஐ.பி.எல். கிரிக்கெட் போட்டியில் ராயல் சேலஞ்சர்ஸ் பெங்களூரு அணியை 4 விக்கெட்டுகள் வித்தியாசத்தில் வீழ்த்தி ராஜஸ்தான் ராயல்ஸ் அணி அபார வெற்றி பெற்றது. பெங்களூரு அணியை வென்றதன் மூலம் ராஜஸ்தான் அணி குவாலிஃபயர் 2 போட்டியில் விளையாட தகுதிப் பெற்றது. 

முதலில் பேட்டிங் செய்த பெங்களூரு அணி 20 ஓவர்களில் 8 விக்கெட்டுகள் இழப்புக்கு 172 ரன்களை எடுத்தது. ராஜஸ்தான் ராயல்ஸ் அணி 19 ஓவர்களில் 6 விக்கெட் இழப்புக்கு 174 ரன்களைக் குவித்து பெங்களூருவை வென்றது. 

நாளை (மே 24) சேப்பாக்கத்தில் நடைபெறும் 2-வது குவாலிஃபயர்  போட்டியில் சன்ரைஸர்ஸ் ஹைதராபாத்- ராஜஸ்தான் ராயல்ஸ் அணிகள் மோதுகின்றன. இப்போட்டியில் வெற்றி பெறும் அணி இறுதிப் போட்டிக்கு தகுதிப் பெறும் என்பது குறிப்பிடத்தக்கது.