தமிழகத்தில் கனமழையால் 11 பேர் உயிரிழந்துள்ளதாக தமிழக அரசின் பேரிடர் மேலாண்மைத்துறை தெரிவித்துள்ளது. 

இது குறித்து பேரிடர் மேலாண்மைத்துறை வெளியிட்டுள்ள அறிவிப்பில், தமிழகத்தில் மே 16 முதல் மே 20 வரை பெய்த கனமழை காரணமாக 11 பேர் உயிரிழந்துள்ளனர்; கடந்த 24 மணி நேரத்தில் 12 கால்நடைகள் இறந்துள்ளன; 24 குடிசைகள் மற்றும் வீடுகள் சேதமடைந்துள்ளன. கனமழை எச்சரிக்கை விடுக்கப்பட்டுள்ளதால் சுற்றுலாத் தளங்களுக்கு செல்வதை பொதுமக்கள் தவிர்க்க வேண்டும். 

கடலூர், கன்னியாகுமரி மாவட்டங்களில் மின்னல் தாக்கியும், வெள்ளம் காரணமாகவும் 2 பேர் உயிரிழந்துள்ளனர். நெல்லை உள்ளிட்ட 8 மாவட்டங்களில் 4.05 கோடி செல்போன்களுக்கு எச்சரிக்கை மெசேஜ் அனுப்பப்பட்டுள்ளது. மாநில பேரிடர் மீட்புப் படையைச் சேர்ந்த 296 வீரர்கள் அடங்கிய 10 குழுக்கள் தயார் நிலையில் உள்ளது. முன்னெச்சரிக்கை நடவடிக்கையை மேற்கொள்ள ஆட்சியர்களுக்கு அறிவுறுத்தப்பட்டுள்ளது.