சபரிமலை செல்லும் பயணிகளின் வசதிக்காக, சென்னை சென்ட்ரலில் இருந்து எர்ணாகுளத்திற்கு சிறப்பு ரயில் இயக்கப்படும் என்று சேலம் ரயில்வே கோட்டம் அறிவித்துள்ளது. 

இது குறித்து சேலம் ரயில்வே கோட்டம் வெளியிட்டுள்ள அறிவிப்பில், சபரிமலை செல்லும் பக்தர்களின் வசதிக்காக, சென்னை சென்ட்ரல்- எர்ணாகுளம் இடையே இன்று (நவ.20) சிறப்பு ரயில் இயக்கப்படும். 

இன்றிரவு 11.30 மணிக்கு சென்னை சென்ட்ரலில் இருந்து புறப்படும் ரயில், நாளை (நவ.21) பகல் 11.55 மணிக்கு எர்ணாகுளத்தைச் சென்றடையும்; இந்த ரயில் அரக்கோணம், காட்பாடி, ஜோலார்பேட்டை ,சேலம், ஈரோடு, போத்தனூர், பாலக்காடு, திருச்சூர், ஆலுவா ஆகிய ரயில் நிலையங்களில் நின்றுச் செல்லும். இந்த சிறப்பு ரயிலுக்கான டிக்கெட் முன்பதிவுத் தொடங்கியுள்ளதாகத் தெரிவிக்கப்பட்டுள்ளது.