சேலம்,சபரிமலை ஐயப்ப சீசனை முன்னிட்டு,காக்கிநாடாவில் இருந்து சேலம் வழியாக கோட்டயத்துக்கும் தெலுங்கானா மாநிலம் சார்லபள்ளியில் இருந்து சேலம் வழியாக கொல்லத்திற்கும் சிறப்பு ரயில் சேவை இயக்கப்படும் என தெரிவிக்கபட்டுள்ளது.

ஆந்திரா மாநிலம் காக்கிநா டாவில் இருந்து நேற்று மதியம்,1:00 மணிக்கு கோட்டயத்துக்கு புறப்பட்ட ரயில் இரவு,7:12 மணிக்கு சேலம்,8:10 மணிக்கு ஈரோடு செல்கிறது.இன்று மாலை,5:30 மணிக்கு கோட்டயத்தை சென்றடையும்.வாரம் தோறும் திங்கட்கிழமைகளில் டிச.,1,8,15,22,29 மற்றும் 2026 ஜன.,5,12,19 ஆகிய தேதி களில் இயக்கப்படவுள்ளது.

கோட்டயத்தில் இருந்து காக்கிநாடாவுக்கு சிறப்பு ரயில் இன்று (நவ., 18) இரவு 8:30 மணிக்கு கிளம்பி, ஈரோடுக்கு மறுநாள் காலை 5:15 மணி,சேலத்துக்கு,7:10 மணிக்கு வருகிறது.இரவு, 11:00 மணிக்கு காக்கிநாடாவை சென்றடையும். வாரம் தோறும் செவ்வாய்கிழமைகளில் இந்த சிறப்பு ரயில் டிச.,2,9,16,23,30 மற்றும் 2026 ஜன.,6,13,20 ஆகிய தேதிகளில் இயக்கப்படவுள்ளது.

தெலுங்கானா மாநிலம் சார்லபள்ளியில் இன்று (நவ., 18) காலை, 11:20 மணிக்கு புறப்பட்டு சேலம் வழியாக கொல்லத்துக்கு செல்லும் சிறப்பு வாராந்திர ரயில் நாளை காலை 8:30 மணிக்கு சேலம், 9:35க்கு ஈரோடு வருகிறது. இரவு 11:00 மணிக்கு கொல்லம் சென்றடைகிறது. வாரம்தோறும் செவ்வாய்க்கிழமை இயக்கப்படும் சிறப்பு ரயில் 2026 ஜன.,13 வரைஇயக்கப்படவுள்ளது.

இதே போல் நவ., 20 மதியம் 2:30 மணிக்கு கொல்லத்தில் இருந்து புறப்படும் சிறப்பு ரயில் மறுநாள் ஈரோடுக்கு மதியம் 1:15 மணிக்கும், சேலத்துக்கு 2.22 மணிக்கும் வருகிறது.சார்லபள்ளிக்கு 22ம் தேதி மதியம் 12:30க்கு சென்றடைகிறது. வியாழக்கிழமைகளில் 2026 ஜன.,15 வரை இயக்கப்படவுள்ளதாக,சேலம் ரயில்வே கோட்டம் சார்பில் தெரிவிக்கப்பட்டுள்ளது.