வானிலை மாற்றங்களைத் துல்லியமாகக் கணிக்க நடவடிக்கை எடுக்கப்பட்டு வருவதாக மத்திய புவி அறிவியல் துறை செயலாளர் ரவிச்சந்திரன் தெரிவித்துள்ளார். 

செய்தியாளர்களைச் சந்தித்த மத்திய புவி அறிவியல் துறை செயலாளர் ரவிச்சந்திரன், தமிழகத்தில் நிலவும் வானிலை மாற்றங்களைத் துல்லியமாகக் கணிக்கக் கூடுதலாக 2 ரேடார்கள் அமைக்கப்படுகிறது. ராமநாதபுரம், ஏற்காட்டில் புதிய வானிலை ரேடார்கள் விரைவில் அமைக்கப்படும். ஏற்கனவே, சென்னையில் 2 ரேடார்களும், புதுச்சேரி, காரைக்காலில் ஒரு ரேடாரும் உள்ளன. 

தென் மாவட்டங்களுக்கான வானிலைத் தரவுகளைத் திரட்டி முன்னெச்சரிக்கை வழங்க ராமநாதபுரம் ரேடார் உதவியாக இருக்கும். ஏற்காடு ரேடார் இதுவரை அதிக கண்காணிப்பு இல்லாத உள் மாவட்டங்களுக்கான தரவுகளைப் பெற உதவும் எனத் தெரிவித்துள்ளார்.