மிக்ஜாம் புயல் எச்சரிக்கை காரணமாக, சேலம் வழியாக செல்லும் 36 ரயில் சேவைகள் ரத்துச் செய்யப்பட்டுள்ளதாக சேலம் ரயில்வே கோட்டம் அறிவித்துள்ளது.

இது தொடர்பாக சேலம் ரயில்வே கோட்டம் வெளியிட்டுள்ள அறிவிப்பில், மிக்ஜாம் புயல் எச்சரிக்கையைத் தொடர்ந்து, டிசம்பர் 03- ஆம் தேதி முதல் டிசம்பர் 07- ஆம் தேதி வரை சேலம் வழியாக இயக்கப்படும் 36 ரயில் சேவைகள் ரத்துச் செய்யப்பட்டுள்ளது.

அந்த வகையில், கொச்சுவேலி - கோர்பா எக்ஸ்பிரஸ் ரயில், எர்ணாகுளம்- பாட்னா எக்ஸ்பிரஸ் ரயில், பிளாஸ்ப்பூர்- எர்ணாகுளம் எக்ஸ்பிரஸ் ரயில், திருநெல்வேலி- பிளாஸ்ப்பூர் எக்ஸ்பிரஸ் ரயில், செகந்திராபாத்- திருவனந்தபுரம் எக்ஸ்பிரஸ் ரயில், தன்பாத்- ஆலப்புழா எக்ஸ்பிரஸ் ரயில், மதுரை- சண்டிகர் எக்ஸ்பிரஸ் ரயில், சலிமார்- நாகர்கோவில் குருதேவ் எக்ஸ்பிரஸ் ரயில், திருநெல்வேலி - ஸ்ரீ மாதா வைஷ்ணோ தேவி கட்றா எக்ஸ்பிரஸ் ரயில், செகந்திராபாத்- கொல்லம் சிறப்பு ரயில், ப்ரௌனி- கோவை சிறப்பு ரயில், நரஸ்பூர்- கோட்டயம் சிறப்பு ரயில் உள்ளிட்ட ரயில்கள் இருமார்க்கத்திலும் ரத்துச் செய்யப்பட்டுள்ளது.

ரத்துச் செய்யப்பட்ட ரயில்களுக்கு முன்பதிவுச் செய்துள்ள பயணிகளுக்கு கட்டணங்கள் திருப்பித் தரப்படும் எனத் தெரிவிக்கப்பட்டுள்ளது.